Ferma fshatare „Đedovo Ognjište“

Katundi etno „Đedovo Ognjište“ ofron pushim unik në Sinjajevinë, në katundin Potrk në 1400 metra lartësi mbidetare, vetëm 15 km nga qendra e qytetit. Ky është akomodim i vërtetë malor, tradicional me atmosferë të qetë për të gjithë dashamirësit e natyrës.

Kasollet prej druri nuk janë ndërtuar për të qenë „luksoze“, por për të ngrohur, ruajtur dhe zgjatur. Këtu nuk pyetet sa gradë është, por sa lugë kajmak shkojnë me kaçamakun, dhe pranë zjarrit e rakisë fluturojnë tregime për gjyshërit dhe kohët e kaluara.

Në kuadër të katundit funksionon kuzhina kombëtare ku mund të provohen specialitete lokale të përgatitura në mënyrë tradicionale. Për fjetje janë dy bungalovë për nga dy persona, nga të cilët hapet pamje mbi hapësirat e Sinjajevinës.

Në ofertë: internet, televizor, transfer për mysafirët, ushqim dhe pije në objekt dhe qëndrim me kafshë shtëpiake. Ferma punon në sezonin e verës. Aktivitetet në rrethinë: kajak dhe rafting, çiklizëm, kalërim dhe ecje e alpinizëm. Çmimi i përafërt i fjetjes: nga 40 €.